Прысвечаны рэканструкцыі мемарыяльнага комплексу "Партызанская крынічка" на месцы базіравання партызанскага атрада "Бальшавік" пад Гомелем. У гэтым годзе адзначаецца 80-годдзе з дня стварэння атрада.
"Гэта важны аб’ект для нашай вобласці. І ў плане захавання гістарычнай памяці пра ваенныя падзеі, і ў плане патрыятычнага выхавання. Таму запрашаем усіх неабыякавых жыхароў рэгіёна ўнесці свой пасільны ўклад у рэканструкцыю комплексу", - сказаў губернатар.
Як паведамлялася, праект прадугледжвае разгортванне музейнай экспазіцыі і пляцоўкі для правядзення гістарычных рэканструкцый, прысвечаных партызанскаму руху. У перспектыве аб’ект можа стаць своеасаблівым вучэбна-метадычным цэнтрам.
Партызанскі атрад "Бальшавік" з’явіўся на тэрыторыі рэгіёна ў жніўні 1941 года падчас абарончых баёў за Гомель. Яго байцы арганізоўвалі дыверсіі на чыгунках і асноўных аўтамагістралях. Разам з часцямі Чырвонай арміі яны ўдзельнічалі ў вызваленчай аперацыі "Баграціён". Штогод на месцы дыслакацыі атрада сустракаюцца прадстаўнікі розных пакаленняў. У душэўнай атмасферы яны ўспамінаюць мінулае, дзякуюць за Перамогу і мірнае неба над галавой.