Аб нас

ОАО "ГМРЗ"

ГОМЕЛЬСКИЙ МОТОРОРЕМОНТНЫЙ ЗАВОД

1. ОАО "Гомельский мотороремонтный завод" пачаў сваю дзейнасць з 30 верасня 1966 г. Галоўнай сферай завода сталі паслугі па капітальным рамонце дызельных рухавікоў Д- 36, Д-48, Д-54.
2. У 1971 - 1975 гг. завод паспяхова асвоіў рамонт рухавікоў новых мадыфікацый Мінскага маторнага завода Д-50, Д-50Л, якія ўстанаўліваюцца на трактары МТЗ.
3. Доўгі час ОАО "Гомельский мотороремонтный завод" займаўся рамонтам тэхнікі айчыннай вытворчасці. За гэты час завод назапасіў сур’ёзны вопыт у дадзенай сферы, і першым у Рэспубліцы Беларусь змог выканаць аднаўленчы рамонт дызельных рухавікоў вядомых заходніх фірм Detroit Diesel, Caterpillar, Deutz і стаў адзіным сэрвісным цэнтрам у РБ па іх поўным рамонце.
4. У 2007 г. была мадэрнізавана вытворчасць мадэляў індывідуальных даільных агрэгатаў АИД-1 "Алеся" і АИД-1С "Алеся", што прывяло да вялікага попыту на дадзеную прадукцыю як у Рэспубліцы Беларусь, так і за яе межамі.
5. У 2008 г. у рамках сумеснай вытворчасці з кітайскай кампаніяй завершана пераабсталяванне ўчастка для зборкі малагабарытных аднацыліндравых рухавікоў, і ўжо ў сакавіку быў сабраны і паспяхова прайшоў выпрабаванні першы дызельны рухавік ДД-6. Гэты праект дазволіў не толькі закрыць патрэбу завода ў аднацыліндравых дызельных рухавіках для вытворчасці вакуумных станцыі СНД-60М, але і паспяхова выйсці на рынак Рэспублікі Беларусь з іншымі мадэлямі бензінавых і дызельных рухавікоў магутнасцю ад 2 да 9 кВт. Праз непрацяглы час на гэтым жа ўчастку асвоена зборка новага віду прадукцыі Матакосы МК-1, МК-2, МК-3.
6. ОАО "Гомельский мотороремонтный завод" Больш за 10 гадоў з’яўляецца адзіным у Рэспубліцы вытворцам вакуумных вадакальцавых насосаў, якія дазволілі прадпрыемству атрымліваць заслужаныя ўзнагароды. «Вакуумная станцыя СН-60А» стала лаўрэатам конкурсу "Товар года 2008 РБ", а ў 2009 г. лаўрэатам конкурсу "Товар года 2009 РБ" стаў «Агрэгат індывідуальнага даення АИД-1 "Алеся"». Працягваючы развіваць лінейку прадукцыі, у красавіку 2010 г. наш завод прапанаваў спажыўцам Матапомпу, Аўтаномную электрастанцыю і Агрэгат індывідуальнага даення АИД-1А "Алеся", якія выпускаюцца на базе ўжо асвоеных бензінавых рухавікоў.
7. У 2011 г. прадпрыемства было зарэгістравана ў якасці рэзідэнта свабоднай эканамічнай зоны «Гомель – Ратон».
8. У 2012 годзе пачалася рэалізацыя інвестыцыйнага праекта «Организация производства мототехники и средств малой механизации». Створана вытворчасць скутараў, мапедаў і матакультыватараў сумесна з беларускай кампаніяй «ХОРС – МОТОРОС».
9. У студзені 2015г ОАО «Гомельский мотороремонтный завод» прызначаны лаўрэатам конкурсу «Лучшие товары Республики Беларусь» 2014 года! Лепшымі таварамі ў намінацыі «Промышленные товары для населения и изделия народных промыслов» прызнаны: «Матакоса МК-1», «Мапед HORS ALPHA» і «Скутар HORS 051».
10. З ліпеня 2015 г. нашым прадпрыемствам асвоена інавацыйная вытворчасць адаптара «ХорсАМ» да матаблока МТЗ і матакультыватараў для гандлёвай сеткі HORS MOTORS, якая не мае аналагаў у Рэспубліцы Беларусь.
11. За доўгі час работы ў галіне рамонту розных відаў дызельных рухавікоў завод зарэкамендаваў сябе прафесійным прадпрыемствам у дадзенай сферы. Завод выконвае прафесійны капітальны, аднаўленчы і бягучы рамонт з наступнай абкаткай рухавікоў (ММЗ, ЯМЗ, ТМЗ, ЗМЗ, КАМАЗ, Маз, DEUTZ, DETROIT, CATERPILLAR), рамонт КПП і асобных блокаў рухавікоў.
12. На дадзены момант ОАО «Гомельский мотороремонтный завод» працягвае развівацца з улікам новых патрабаванняў рынку і патрэб сваіх шматлікіх партнёраў і пакупнікоў. Завод утрымлівае стабільнае эканамічнае становішча, прытрымліваецца прынцыпаў сацыяльнай абароненасці сваіх работнікаў, паспяхова пашырае рынкі збыту сваёй прадукцыі. Тым самым зарэкамендаваўшы сябе як надзейнага партнёра ў бізнесе.

Пасведчанне аб рэгістрацыі ў якасці рэзідэнта СЭЗ "Гомель ратон"

можна спампаваць па наступнай спасылцы: СПАСЫЛКА ДЛЯ СПАМПОЎВАННЯ